2024.07.05. 21:13

Bu gün İranda keçirilən növbədənkənar prezident seçkilərində səsvermə müddəti yerli vaxtla saat 22:00-dək uzadılıb.

Axar.az xəbər verir ki, bu barədə İran Seçki Qərargahının nümayəndəsi Möhsün İslami deyib.

Daha öncə səsvermənin vaxtı 20:00-a kimi uzadılmışdı.

Qeyd edək ki, bu gün İranda növbədənkənar prezident seçkilərinin 2-ci turu yerli vaxtla saat 08:00-da başlayıb. Bu turda 2 namizəd – Məsud Pezeşkian və Səid Cəlili mübarizə aparır.

***

İranda keçirilən növbədənkənar prezident seçkilərində səsvermə yerli vaxtla saat 00:00-dək uzadılıb.

Bunu İran Seçki Qərargahının sözçüsü Möhsün İslami deyib.

***

İranda iyulun 5-i yerli vaxtla səhər saat 08:00-dan başlayan prezident seçkisinin ikinci turu saat 00:00-da sona çatıb.

Bu barədə İran Seçki Qərargahı məlumat yayıb.