2024.09.21. 22:41

Fransa hökumətinin yeni tərkibi bir neçə həftəlik gərgin məsləhətləşmələrdən sonra təsdiq və elan edilib.

Axar.az xəbər verir ki, nazirlərin siyahısını Fransa Prezident Administrasiyasının rəhbəri Aleksi Koler açıqlayıb.

Demokratik Hərəkat Partiyasından Avropa məsələləri üzrə keçmiş nazir Jan-Noel Barro yeni xarici işlər naziri təyin edilib. O, Avropa Komissiyasının vitse-prezidenti təyin edilən Stefan Sejurneni əvəzləyib.

Sebastyan Lekornu Fransa Silahlı Qüvvələri naziri postunu qoruyub, yeni hökumətdə də vəzifəsinə davam edəcək.

Didye Miqot Fransanın ədliyyə naziri, Bruno Retaillot isə daxili işlər naziri olub.

Hökumətə erməni əsilli iki nazir də daxil edilib: Astrid Panosyan-Buvet əmək və məşğulluq naziri, Giyom Kasparyan isə dövlət qulluğu işləri, dövlət fəaliyyətinin sadələşdirilməsi və transformasiyası naziri təyin edilib.