Almaniya və Fransa Türkiyə ilə imzalanan vizasız gediş-gəliş müqaviləsini əngəlləmək üçün yeni şərtlər əlavə etmək istəyir.

Axar.az xəbər verir ki, bu barədə Belçikanın "Politiko" saytı məlumat yayıb.

Portalın əldə etdiyi məlumata görə, Berlin və Paris rəhbərliyi aprelin 27-də gizli mətn hazırlayıb. Mətndə Türkiyənin viza sərbəstliyini anında ləğv edə biləcək "əl yeri" qoyulub.

Sayt Avropa ölkələrinin ciddi təlaş keçirməsinin səbəbini belə izah edir:

"Avropa Birliyinə (AB) daxil olan ölkələrə gələn miqrantlar və AB-də işləmək üçün müraciət edən vətəndaşların sayındakı ciddi artım Almaniya və Fransanı əlavə şərtlər irəli sürməyə vadar edir. Bu layihə AB üzvləri tərəfindən qəbul edilərsə, Türkiyə vizasız gediş-gəlişə nail olmaq üçün mütəmadi Avropa standartlarını qorumaq məcburiyyətində qalacaq".