Fransa Ukrayna və Avropada təhlükəsizliyi müzakirə etmək üçün ikinci iclas çağırır.

Axar.az xəbər verir ki, bu barədə “Röyters” məlumat yayıb.

Məlumata görə, iclas sabah baş tutacaq və fevralın 17-də keçirilən ilk iclasda iştirak etməyən NATO ölkələrinin nümayəndələrinin də toplantıya qatılacağı gözlənilir.

Agentlik iki mənbəyə istinadla dəvət edilən ölkələr arasında Norveç, Kanada, Baltikyanı ölkələr, Çexiya, Yunanıstan, Finlandiya, Rumıniya, İsveç və Belçikanın olduğunu bildirib.

Qeyd edək ki, fevralın 17-də Avropa ölkələrinin liderləri Parisdə fövqəladə sammit keçirərək, ABŞ Prezidenti Donald Tramp administrasiyasının Moskva ilə Avropanın iştirakı olmadan danışıqlar aparmaq niyyətini müzakirə ediblər. Görüşdə hansısa konkret qərar qəbul olunmayıb.