Gürcüstanın Baş naziri İrakli Kobaxidze Özbəkistana rəsmi səfər edib.

Axar.az xəbər verir ki, bu barədə Gürcüstan hökumət administrasiyasının mətbuat xidməti məlumat yayıb.

Bildirilib ki, rəsmi səfər çərçivəsində baş nazirin Özbəkistan Respublikasının Prezidenti Şövkət Mirziyayev, Baş nazir Abdulla Arifov və digər rəsmilərlə görüşləri nəzərdə tutulub.

Bundan başqa, Daşkənddə iki ölkənin hökumət üzvlərinin iştirakı ilə Gürcüstan və Özbəkistan arasında iqtisadi əməkdaşlıq üzrə Hökumətlərarası Komissiyanın 10-cu iclası keçiriləcək.

Kobaxidzeni Özbəkistana səfərində birinci müavini, iqtisadiyyat və dayanıqlı inkişaf naziri Levan Davitaşvili, xarici işlər naziri Maka Boçorişvili, regional inkişaf və infrastruktur naziri İrakli Karseladze, ətraf mühitin mühafizəsi və kənd təsərrüfatı naziri Davit Sonqulaşvili, idman naziri Şalva Qoqoladze və hökumət administrasiyasının rəhbəri Levan Jorjolianidən ibarət nümayəndə heyəti müşayət edir.