Çin ABŞ-ın əsas strateji rəqibidir, o, Tayvanla bağlı mümkün münaqişəyə hazırlıq üçün öz hərbi potensialını gücləndirir.

Axar.az xəbər verir ki, bu barədə ABŞ-ın Milli Kəşfiyyat İdarəsinin hesabatında deyilir.

ABŞ kəşfiyyatı hesab edir ki, Çin hipersəs silahlar, gizli təyyarələr, qabaqcıl sualtı qayıqlarla güclənir, kosmosda və kiberməkanda müdafiə imkanlarını inkişaf etdirir və nüvə silahı arsenalını genişləndirir:

"Pekin öz maraqlarını inkişaf etdirmək və münaqişənin qarşısını almaq üçün Prezident Donald Trampın administrasiyası altında Vaşinqtonla əlaqələri inkişaf və davam etdirməyə sadiqdir. Lakin Çin Tayvanla bağlı ABŞ-la mümkün hərbi konflikti nəzərə alıb, hərbi potensialını artırır".