Bu məsələ indiyə qədər mübahisəlidir. İllər əvvəl iki alim bu yönümdə kliniki araşdırmalar aparmış və bir sıra müsbət nəticələr əldə etmişdir. Nəticədə B17 vitamininin xərçəng hüceyrələrini məhv etdiyi, yeni xərçəng hüceyrələrinin əmələ gəlməsinin qarşısını aldığı sübüt olunmuşdur. Yəni vitamin həm müalicəvi həm də profilaktik olaraq istifadə oluna bilər. Lakin bir sıra digər araşdırmalar göstərir ki, xərçəng ilə mübarizə zamanı yalnız B17 vitamini ilə yox, bir sıra digər vitaminlərlə də kombinə olaraq aparılır.

Axar.az immunitet.az-a istinadən bildirir ki, buna baxmayaraq bu fikri təkzib edən alimlər də az deyil. Nəzərə alsaq ki, demək olar hər bir orqanda xərçəng prosesinin yaranması mümkündür o zaman belə bir sual yararnır.

Bir vitaminin çatışmazlığı bu qədər müxtəlif şəkildə xərçəng prosesinin yaranmasına təkan verə bilərmi?
Bəzi mənbələr iddia edirlər ki, B17 adlı vitamin yoxdur, bu sadəcə uydurmadır. Bir az tarixə getsək belə bir maraqli faktla rastlaşa bilərik. ABŞ - da Laetril (C20H27NO11) adlı xərçəngin müalicəsində effektli olduğu iddia edilən kimyəvi maddə istifadəyə verilir. Lakin bir müddət sonra Amerika Səhiyyə Nazirliyi tərəfindən qadağan olunur. Nəticədə firma preparatı başqa bir adla - B17 olaraq satışa çıxarır. (Preparatın aktiv maddəsi olan "cyadine" şaftalı tumu və badamnan alınır). Milli Xərçəng İnistitunun verdiyi məlumata görə heyvanlar üzərində aparılan 20 illik təcrübə nəticəsində Laetrilin təkbaşına və ya digər maddələrdə istifadəsinin xərçəng qarşı təsirsiz olduğu sübut olunmuşdur. Laetrilin 1800- cü ilin sonlarında Rusiyada, 1920 - ci illərdə Amerikada klinik müalicədə istifadə olunmağa başlamışdır. Meksikadada hələ də geniş olaraq istifadə olunur.

Laetril istifadəsinin Amerikada qadağan olunma səbəblərinə gəldikdə isə lazımsız reklamlar və tərkibindıki "cyadine" maddəsinin olduğu deyilir. Belə ki, yüksək dozada bu maddə zəhər təsiri göstərir.

B17 vitamini acı badam, armud tumu, alma tumu, ərik tumu, kətan tumu, şaftalı tumu, balqabaq tumu, zoğal, üzüm, quşüzümü, tut, heyva, noxud, ispanaq, kələm və s.də daha çox mövcuddur.