ABŞ-da Xroniks İnstitutu çox aşağı temperaturda insanları donduraraq çürümədən mühafizə edir.

Axar.az xəbər verir ki, bu iş xüsusi qablarda həyata keçirilir. Layihənin əsas məqsədi müalicəsi olmayan xəstəliklərin gələcəkdə tibbi üsullarla müalicə edilməsidir.

Xroniks İnstitutunda dondurulan ilk insan Kaliforniya Universitetində psixologiya professoru olan Ceyms Berdforddur. Berdfordun bir neçə hüceyrəsinin zərər gördüyü deyilir.

Berdforddan sonra 9 insan dondurulub. 1979-cu ildə isə alimlər dondurulmuş bədənlərin çürüdüyünü öyrəniblər. Bədənlərinin çürüməsinə enerji izolyasiyasının 6 il işləməməsi səbəb olub. Yalnız professor Berdfordun bədəni xilas edilib.

Dünyada yüzlərlə cansız bədən mənfi 196 dərəcədə içi maye azot dolu böyük metal silindrlərdə tibbin inkişaf edəcəyi bir gün dirildiləcəyini gözləyir.

Qeyd edək ki, həkimlər ölü bədəni, əvvəlcə, buz parçalarıyla soyudur, sonra isə döş qəfəsini açaraq vücuddakı qanı damarlardan çəkirlər.