Səhiyyə naziri Oqtay Şirəliyev Gəncə şəhərinin "2016-cı il Avropa gənclər paytaxtı" seçilməsi ilə əlaqədar əmr imzalayıb.

Səhiyyə Nazirliyindən Axar.az-a daxil olan məlumatda bildirilir ki, əmrdə Gəncə şəhərinin "2016-cı il Avropa gənclər paytaxtı" seçilməsi ilə əlaqədar Prezidentin 24.02.2016-cı il tarixli 1805 nömrəli sərəncamının icrasını təmin etmək məqsədi ilə Səhiyyə Nazirliyinin Təbirlər Planının təsdiq edilməsi, görülən işlər barəsində vaxtaşırı Səhiyyə Nazirliyinə məlumatların verilməsi tapşırılır.

Tədbirlər Planında Səhiyyə Nazirliyinin tabeliyində olan tibb kollecləri tələbələrinin iştirakı ilə Gəncə Tibb Kollecində gənclərin tərbiyəsində mühüm rol oynayan "Erkən nikahların, pis adətlərin sağlamlığa mənfi təsiri" və "Gənclərin keçmişi və bu günü" mövzularında elmi-praktik konfransların, Gəncə Tibb Kollecinin tələbələri arasında intellektual inkişafı gücləndirtmək məqsədilə bilik yarışının, Gəncə Tibb Kollecinin tələbələrinin iştirakı ilə "2016-cı il Avropa gənclər paytaxtı" devizi altında idman yarışlarının və s. keçirilməsi nəzərdə tutulub.