Serj Sərkisyanın azğın bəyanatları məcbur edir ki, biz hərbi yol seçək. Hələ deyir, Azərbaycanda nazirlər 90-cı illərdə Xankəndidə çay içəcəklərini deyirdilər, amma Kəlbəcərdə də çay içə bilmədilər.

Musavat.com xəbər verir ki, deputat Flora Qasımova bu fikirləri Milli Məclisdəki çıxışında söyləyib.

Azərbaycanın Milli Qəhrəmanı Şirin Mirzəyevin həyat yoldaşı olan xanım-deputat Qarabağın azadlığı üçün çağırış edib:

“Biz erməni məsələsini gələcək nəsillərə qoya bilmərik. Bizim babalarımız zamanında bu məsələdən böyük əziyyətlər çəkdilər, sonra biz o əziyyətləri gördük, amma bu məsələni gələcək nəsillərə saxlamaq olmaz. Hələ onlar şərt də qoyurlar ki, biz onların “respublikasını” tanıyaq. Ermənilər Dağlıq Qarabağa iddia edirdilər, amma onlar son illərdə Dağlıq Qarabağın kənarındakı işğal olunmuş ərazilərimizdə də hərbçilər üçün evlər tikirlrər, qanunsuz məskunlaşma siyasəti yürüdürlər. Bununla düşmən sanki bizi qıcıqlandırmağa çalışır”.