Avqustun 12-də Qazaxıstanın Aktau şəhərində Xəzəryanı dövlətlərin başçılarının V Zirvə toplantısında Xəzər dənizinin hüquqi statusunun tanınması indiyə qədər olan bütün qeyri-müəyyənlikləri ortadan qaldırır.

Bu sözləri Axar.az-a açıqlamasında millət vəkili Fazil Mustafa deyib. Millət vəkili Xəzəryanı dövlətlərin bir-biri ilə mübahisəli məsələlərin həlli istiqamətində yekun rəyə gəlməsini təqdirəlayiq hesab edib:

“Avqustun 12-də Qazaxıstanın Aktau şəhərində Xəzəryanı dövlətlərin başçılarının V Zirvə toplantısında Xəzər dənizinin hüquqi statusunun tanınması indiyə qədər olan bütün qeyri-müəyyənlikləri ortadan qaldırır. Təbii ki, Konvensiyada ayrı-ayrı sahələrdə müəyyən mübahisəli məqamların ortadan qalxması və sahil dövlətlərinin bir-biri ilə qarşılıqlı maraqlar əsasında davranması nəzərdə tutulur. Bu məsələlər ayrı-ayrı sahələr üzrə keçirilən görüşlərdə də öz həllini tapacaq”.

Millət vəkili bildirib ki, Konvensiyanın ən mühüm tərəflərindən biri dənizin dibindən Xəzərin karbohidrogen ehtiyatlarının Qərb bazarlarına çıxışını nəzərdə tutan boru kəmərlərinin çəkilməsi ilə bağlı layihələr üzərində olan maneələrin aradan qalxmasıdır:

“Bütövlükdə, müharibə aparan dövlət kimi Azərbaycanın statusunun daha müəyyən bir şəkildə tanınmasından söhbət gedir. Bu da bizim üçün indiki məqamda daha geniş perspektivlər açır və Xəzəryanı ölkələrin ölkələrin bir-biri ilə yaxın əməkdaşlığını genişləndirir”.