09:06

Şəkidə 31 yaşlı qadın dəm qazından zəhərlənərək ölüb.

ARB Şəki xəbər verir ki, hadisə ötən gecə saat 4 radələrində Şəki şəhəri, Səlahəddin Kazımov küçəsi ev 12 ünvanında baş verib.

1987-ci il təvəllüdlü Arzu Aydın qızı Əliməmmədova yaşadığı evin vanna otağında huşsuz vəziyyətdə qayınanası tərəfindən aşkar edilib. Hadisə yerinə çağırılmış həkimlərin müayinəsi zamanı iki uşaq anası olan Arzu Əliməmmədovanın hamam otağında paltar yuyarkən dəm qazından zəhərləndiyi məlum olub.

Şahilə Ədilova - mərhumun qaynanası: "İşdən gəlib uşaqlarını öpüb qucaqladı. Dedi ki, qoy uşaqlarımdan doyum. Səbəbini soruşanda cavab verdi ki, işdə oluram deyə uşaqlarımı görmürəm. Qayınana-gəlin söhbət etdik. Sonra mən uzandım. Oyananda gördüm ki, hamamın da işığı yanır, həyətin də. Hamam tərəfdən səs gəlmədi. Hamama qaçdım ki, üzü üstə yıxılıb".