Ötən gün iki qadın oğurluğa görə saxlanılıb.

DİN-dən Axar.az-a verilən məlumata görə, keçən gecə DİN-in "102” Çağrı Mərkəzinə Gəncə şəhəri ərazisindəki evlərin birindən 100 manat, 400 ABŞ dolları, habelə qızıl əşyalar oğurlanması ilə bağlı zəng daxil olub. Araşdırmalarla oğurluq etməkdə şübhəli bilinən Göygöl rayon sakini Roza Cabbarova saxlanılıb.

Gəncə şəhər ərazisindəki daha bir evdən oğurluq olması barədə Kəpəz Rayon Polis İdarəsinə müraciət edilib. Evdən 140 manat və qızıl üzük oğurlanması məlum olub. Şübhəli bilinən Gədəbəy rayon sakini Təranə Məmmədova saxlanılaraq Polis İdarəsinə gətirilib.

Gəncə Şəhər Baş Polis İdarəsində hər iki fakt üzrə araşdırmalar aparılır.