Zərdab rayonunun Qoruqbağı kəndinə ildırım düşüb.

Kənd sakini, jurnalist Nicat İntiqamın Avropa.info-ya verdiyi məlumata görə, bu gün saat 21:40 radələrində şimşək çaxması nəticəsində rayonun Qoruqbağı kəndində Məhərrəm Məhərrəmova məxsus həyətyanı sahədəki tövləyə ildırım düşüb. İldırım tövlənin yanmasına səbəb olub.

Hazırda kənd sakinləri və FHN Zərdab rayon Yanğından Mühafizə Hissəsinin əməkdaşları yanğını söndürməyə çalışırlar. İlkin müdaxilə nəticəsində yanğının fərdi yaşayış evinə keçməsinin qarşısını almaq mümkün olub.

Qeyd edək ki, fərdi təsərrüfat sahəsinin sahibi Məhərrəm Məhərrəmov hazırda Rusiyada yaşayır.

Bu gün Qoruqbağı kəndində toy məclisi də var imiş. Hazırda toy yarımçıq saxlanılıb və kənd sakinləri yanğını söndürməyə gediblər.