Millət vəkili Qənirə Paşayeva Macar Turan Vəqfinin rəhbəri Andras Biro ilə görüşüb.

Axar.az xəbər verir ki, görüşdə türk dövlətləri arasında əməkdaşlıq və birliyin güclənməsində Turan Qurultayının əhəmiyyəti xüsusilə vurğulanıb.

Andras Biro Azərbaycanla münasibətlərin bütün istiqamətlərdə inkişafına önəm verdiklərini bildirib.

Q.Paşayeva Turan Qurultayı çərçivəsində Beynəlxalq Türk Akademiyasının prezidenti Darhan Kıdırali ilə də müzakirələr aparıb.

Beynəlxalq Türk Akademiyasının türk dünyasının birliyi istiqamətində gördüyü işlərin əhəmiyyətini vurğulayan millət vəkili ortaq türk ədəbiyyatı, tarixi və mədəniyyəti ilə bağlı layihələrin həyata keçirilməsinin vacibliyini qeyd edib.

Görüşdə iki qardaş ölkə olan Azərbaycan və Qazaxıstan arasında əməkdaşlığın genişləndirilməsi imkanları və türk birliyinin güclənməsi istiqamətində yeni layihələr ətrafında da önəmli fikir mübadiləsi aparılıb.