Bakıda Yeni il yarmarkaları fəaliyyətə başlayıb. Yarmarkalar paytaxtın metro stansiyalarına yaxın yerlərdə quraşdırılıb.

Xəzər xəbər-in məlumatına görə, bayram çadırlarında əsasən Yeni il atributları, şam ağacı, şaxta baba, qar qız oyuncaqları satışa çıxarılıb.

Bayram yolkalarının bəzədilməsi üçün aksessuarların qiymətləri isə ölçüsünə, görünüşünə görə dəyişir. Belə ki, yolka oyuncağının qiyməti 2 manatdan 12 manata qədərdir.

Qeyd edək ki, bayram yarmarkalarının açılmasında məqsəd Yeni il ərəfəsində küçələrdə pərakəndə satışın qarşısını almaq və bazar qiymətlərinə nisbətən ucuz məhsullar təklif etməkdir.