Ölkədə 6 günlük rejimlə işləyən məktəblərdə yanvarın 19-da dərslər keçiriləcək.

Bu barədə Axar.az-a Təhsil Nazirliyindən məlumat verilib. Bildirilib ki, Təhsil naziri Ceyhun Bayramovun “Təhsil müəssisələrində təlim-tərbiyə prosesinin dayandırılması barədə” əmri yanvarın 17 və 18-nə aiddir. Qalan günlərdə təhsil müəssisələrində tədris adi qaydada davam edəcək.

Qeyd edək ki, hava şəraitinin kəskin pisləşəcəyi ilə əlaqədar olaraq Baş nazirin sərəncamının icrası məqsədilə Təhsil naziri Ceyhun Bayramov yanvarın 17-si və 18-i ölkə ərazisindəki bütün təhsil müəssisələrində təlim-tərbiyə prosesinin dayandırılması ilə bağlı əmr imzalamışdı.