12:36

Avropa.info-nun bölgə müxbiri Saleh Qafarlı bu gün İmişli rayon Polis İdarəsinə çağırılıb.

Saleh Qafarlının verdiyi məlumata görə, onun polisə çağırılmasına səbəb kimi sosial şəbəkələrdə İmişli rayon icra başçısı Vilyam Hacıyevi təhqir etməsi göstərilir. İcra başçısı bununla bağlı İmişli Polis İdarəsinə müraciət edib.

"Avropa.info" xəbər verib ki, Saleh Qafarlı son günlər rayondakı Şəhidlər Xiyabanının ərazisinin, İmişli rayonundan keçən suvarma kanalının ərazisinin satılması ilə bağlı yazılar yazıb. Bu yazılar video görüntülər və fotoşəkillərlə birlikdə saytda dərc olunub.

Xatırldadaq ki, Saleh Qafarlının Feysbuk səhifəsində İmişli rayon İcra Hakimiyyətinin başçısını təhqir edəcək heç bir yazı və ya qeyd yoxdur. Hazırda isə Saleh Qafarlının telefon nömrəsinə zəng çatmır.

Məsələ ilə bağlı Daxili İşlər Nazirliyinə məlumat verilib.

***

İmişli Rayon Məhkəməsinin qərarı ilə jurnalist Saleh Qafarlıya 15 sutka həbs cəzası verilib.