Dörd il öncə – 2016-cı ilin 15 iyulunda FETÖ Türkiyə dövlətinə yaratdığı böyük təhdidi ortaya qoydu.

Axar.az xəbər verir ki, bunu Türkiyə səfirliyinin təşkil etdiyi onlayn konfransda çıxış edən Türkiyənin Azərbaycandakı səfiri Ərkan Özoral bildirib.

O, bu təhdidin aradan qaldırılmasında ən böyük payın dövlətini və demokrtiyanı qorumaq üçün həyatını verməyə hazır olduğunu ortaya qoyan türk xalqına aid olduğunu deyib:

“Türk xalqı 15 iyul gecəsi prezideninin çağırışı ilə küçələrə tökülmüş və çevrilişlərə keçid verməyəcəyini, iradəsinə heç kimin əngəl ola bilməyəcəyini bütün dünyaya göstərmişdir”.

Səfir qeyd edib ki, ötən 4 il ərzində Türkiyə dövlətinin təməl fəaliyyətlərindən birini ölkə daxilində və xaricdə FETÖ ilə mübarizə təşkil edib:

“Ölkə daxilində hüqun üstünlüyü əsas götürülməklə onların ədalət divanı önündə hesab verməsi təmin edilib. Ayrıca FETÖ-nun dövlət içindəki təşkilatlanması tam deşifrə edilib, mənsubları haqqında proseslər başlanılmış, nəhayət, təşkilatın paralel dövlət yapılanması çökdürülmüşdür. Ayrıca FETÖ-nun dövlət qurumları içində qalıb təhsildən mediaya, bank sektoruna və iqtisadiyyatın digər sahələrinə nüfuz etməsi də ortadan qaldırılmışdır. Ölkə daxilindəki mücadiləmiz hüququn üstünlüyü və təməl insan haqlarının qorunması prinsipi ilə yürüdülüb”.