İrəvanda PPX-nin binasını 15 gündür ələ keçirən "Sasna çrer" silahlı qrupu polisə təslim olmaq qərarı verib.

Axar.az xəbər verir ki, qrup üzvü Varujan Avetisyan erməni mediasına açıqlamasında bir neçə gün öncə üzvlərdən iki nəfəri ayağından yaralayıb, bu gün isə bir silahlını snayperlə sinəsindən vurub. Bizim sayımız azalıb, 20 nəfər qalmışıq, ötən gecə polis hücuma keçdi, amma sonra nədənsə dayandı və danışıqlara başladı. Bu gün isə intensiv surətdə bizi atəşə tutublar, səs bombası atıblar, zirehli texnikanın köməyi ilə mühasirəni daraldıblar.

Bizim iki yolumuz var: birinci, polislə qarşıdurmaya getmək, belədə dinc sakinlərin qanı axacaq, ikinci, əsir düşmək. Bizim üçün hərbi əsir olmaq olduqca ağırdır.

Xalqın hərəkətlənməsi var. Yeni qurbanlardan qaçmaq lazımdır, buna görə də qərara gəldik ki, hərbi əsir kimi mübarizəni davam etdirək. Biz ölkəmizin Rusiya quberniyası olmasına izn verə bilmərik, xalqımız mübarizəni davam etdirməlidir. Hiss edirik ki, qələbə yaxındadır".

Avetisyan sadəcə qığılcım olduqlarını, xalqın bu mübarizəni başa çatdıracağına inandıqlarını da vurğulayıb.