51-ci Beynəlxalq Antaliya "Qızıl Portağal" Film Festivalında problemlər həll olunmaq bilmir.

Axar.az xəbər verir ki, 2013-cü ildə Türkiyədə baş verən "Gəzi" parkı hadisələrindən bəhs edən "Yer üzü eşqin üzü olana qədər" sənədli filmində bəzi hissələrin kəsilməsindən sonra yaranan mübahisələrə görə, festivalda böyük problemlər yaranıb.

Türkiyənin önəmli film festivallarının biri hesab edilən "Qızıl Portağal"da sənədli filmin Türk Cəza Qanununun (TCK) prezidentə təhqir cinayətlərindən bəhs edən 125-ci və 299-cu maddələrinə zidd olduğu iddia edilərək festivaldan uzaqlaşdırdığı üçün istefa verən münsif sayı 10-a çatıb. İstefa verənlər arasında milli və beynəlxalq yarışın əsas münsif heyətində olan adamlar da var. Baş verən hadisələrdən sonra müxtəlif kino platformalarından da 10-18 oktyabr tarixləri arasında təşkil ediləcək festivala qatılmayacaqlarına aid açıqlama verənlər olub.

Açılışına 3 gün qalmasına baxmayaraq, festivalın proqramı hələ də açıqlanmayıb.