Ana səhifə Planet |
Rusiya Xarici İşlər Nazirliyi Gürcüstanın hakimiyyətinin Abxaziya ilə bağlı bəyanatına münasibət bildirib.
Axar.az "Lenta.ru"ya istinadən xəbər verir ki, XİN Rusiyanın Abxaziyanı işğal etmədiyini bəyan edib.
Rusiya hökuməti Abxaziyanın işğal edildiyi barədə bəyanatın təhlükəli olduğunu, Cenevrə danışıqlarına mənfi təsir edə biləcəyini qeyd edib.
XİN-in açıqlamasında bildirilir ki, Abxaziya ilə 2008-ci ildə imzalanmış müqaviləyə uyğun olaraq əlaqələr inkişaf edir. Rusiya və Abxaziya arasında yeni əməkdaşlıq müqaviləsi ikitərəfli münasibətləri sistemləşdirir və yeniləyir.
Sonda qeyd edilir ki, Rusiya Federasiyası üçün hüquq bərabərliyi prinsipləri dəyişməz qalır, qarşılıqlı hörmət və dövlət müstəqilliyinin tanınması əsas götürülür.
Xatırladaq ki,18 oktyabrda Gürcüstanın Müdafiə naziri İrakli Alasaniya söz vermişdi ki, rəsmi Tiflis Rusiya və Abxaziya arasında yeni əməkdaşlıq müqaviləsinin imzalanmasına aqressiv xarici siyasətə keçməklə cavab verəcək. Həmçinin bəyanatda Abxaziya ilə imzalanan müqavilənin Rusiya-Gürcüstan əlaqələrinin yaxşılaşmasına mənfi təsir edəcəyi bildirilmişdi.
Tarix
2014.10.21 / 01:07
|
Müəllif
Pərviz Həsənov
|