YUNESKO-nun Moskva ofisinin bağlanması Azərbaycan, Ermənistan, Belarus və Moldova ilə əlaqələrə də mənfi təsir göstərəcək.

Axar.az xəbər verir ki, bu barədə Moskva ofisinin rəhbəri Eleonora Mitrofanova bildirib.

BMT nümayəndəliyinin gələn il Moskva ofisini bağlamasını ölkəsi üçün kədərli hadisə kimi qiymətləndirən Mitrofanova MDB-nin bir sıra ölkələri və Rusiya ilə YUNESKO əməkdaşlığının xeyli çətinləşəcəyini qeyd edib:

"YUNESKO indi maliyyə vəziyyətinin mürəkkəb olduğunu, buna görə də əlavə maliyyə axtarışlarının davam etdirildiyini bildirir. Bu məsələyə əməli şəkildə yanaşmaq qərara alınıb".

Qeyd edək ki, YUNESKO-nun Moskva ofisi 1994-ci ildə açılıb. 2002-ci ildə Rusiyadan başqa, onun fəaliyyət dairəsi Azərbaycan, Ermənistan, Belarus və Moldova üçün genişləndirilmişdi.