Ana səhifə Sağlıq |
"Qəza nəticəsində yüngül xəsarət alan beş yaralıdan dördünün durumu yaxşı olduğundan ilkin tibbi müayinədən sonra evə buraxılıb".
Bu sözləri Axar.az-a 3 saylı şəhər klinik xəstəxanasından səhər saatlarında Sabunçu rayonunda iki sərnişin avtobusunun toqquşması nəticəsində xəsarət alan sərnişinlər haqqında məlumat verərkən bildiriblər.
Xəstəxanadan bildirildiyinə görə, yaralılardan heç biri ciddi xəsarət almayıb. Qəza nəticəsində ümumilikdə 5 sərnişin yüngül bədən xəsarəti alıb ki, onlardan dördü ilkin müayinədən sonra evə buraxılıb:
"Hazırda xəstəxanada qəzadan sonra gətirilən bir xəstə qalıb. Onun da durumu normaldır. Gün ərzində o da evə buraxılacaq".
Qeyd edək ki, bu gün Bakının Sabunçu rayonunda iki sərnişin avtobusu toqquşub. Sabunçu rayonu, Bakıxanov qəsəbəsi, "Komsomolski" dairəsi adlanan ərazidə Mərdəkandan şəhərə gələn 100 saylı, "Dayvo" markalı, 10 TY 274 nömrə nişanlı avtobusla "Hunday" markalı avtobus toqquşub. Qəza nəticəsində sərnişin avtobusunda 5 sərnişin yaralanıb. Yaralılar xəstəxanaya yerləşdiriliblər.
Qəzaya uğrayan "Hunday" markalı avtobus Heydər Əliyev Beynəlxalq Aeroportuna məxsus olub.
Tarix
2015.05.29 / 10:44
|
Müəllif
Nigar İxtiyarqızı
|