Ola bilsin ki, "Qarabağ" 1:0 hesabı ilə qalib gəlsin. Amma onların səfər oyununa internetdə baxdım və birmənalı söz demək çətindir. Çünki Britaniya klubları əks-hücumlarda, standart vəziyyətlərdən cərimə, künc zərbəsi yerinə yetirmədə çox təhlükəlidirlər. Odur ki, şans öz əlimizdədir, onlara oynamağa imkan verməməliyik.

Bu sözləri Axar.az-a AFFA Məşqçilər Komitəsinin üzvü, Azərbaycanın titullu baş məşqçisi Ağasəlim Mircavadov deyib. Bu gün keçiriləcək "Qarabağ"-"Seltik" matçından danışan təcrübəli mütəxəssis hesab edir ki, hava ötürmələri ən zəif cəhətimizdir: "Avropada 2:0 məğlub olmaq ağır hesabdı. Ona görə də "Qarabağ"ın oyunu çətin keçəcək.

Biz cinahlarda yaxşı oynamalıyıq. Britaniya komandaları asmanı zərbə ilə edirlər, biz isə yüngül ötürürük. Bu da qorxulu məqamdır. Faiz nisbəti ilə komandamızın nə dərəcədə şansı olduğunu deyə bilmərəm, amma 1:0 hesablı qələbə gələ bilər".