Avropa Komissiyası Şengen zonasının ləğv edilməsinin milyardlarla dollara başa gələcəyi haqqında Avropa Birliyi ölkələrini xəbərdar edib.

Axar.az xəbər verir ki, Brüsselin hesablamasına görə, AB-nin məhz bu addımına görə ödəyəcəyi minimal dəyər 18 milyard avro olacaq. Üstəlik, Avropa Birliyi ölkələri sərhəd nəzarətinin bərpası üçün ümumilikdə 7,1 milyard avro xərcləyəcəklər. Şengen zonasının ləğvi həmçinin ən böyük zərbəni turizm sahəsinə vuracaq. Viza rejiminə qayıdış bu sahənin 10-20 milyard avro itirməsinə səbəb olacaq.

Qeyd edək ki, Yaxın Şərqdən Avropaya miqrant axınının artması Avropa Birliyi ölkələrinin böyük hissəsinin etirazına səbəb olub. Etiraz edən ölkələr öz sərhədlərində yenidən nəzarətin gücləndirilməsinə başlayıblar.