Beş rayon qaytarılır, iki rayonun qaytarılması isə Dağlıq Qarabağın statusunun müəyyən edilməsinə qədər təxirə salınır. Bunu isə Azərbaycan qəbul etmir.

Bu sözləri Axar.az-a açıqlamasında sabiq dövlət müşaviri Qabil Hüseynli deyib. Politoloqun sözlərinə görə, Rusiya rayonların qaytarılmasını mərhələli həll planı ətrafında həyata keçirmək istəyir:

“Bakı Dağlıq Qarabağın yalnız Azərbaycanın ərazi bütövlüyü daxilində öz müqəddaratını təyinetmə haqqını tanıyır. Bu, dünya praktikasında da mövcuddur. Ancaq Rusiya ümumiyyətlə bu cür düşünmür. Rusiya siyasi dairələrində və mediasında 7 rayonun geri qaytarılmasının hələ ki, mümkün olmaması barədə fikirlər səslənir. Bu o deməkdir ki, proses ətrafında siyasi manevrlər, pərdəarxası gəzişmələr davam edir. Rusiya sanki Qarabağ probleminin həllinə dair konkret mövqe irəli sürməkdə çətinlik çəkir. Moskvanın İrəvanla eyni mövqedə olduğu şübhə doğurmur”.

Qeyd edək ki, Rusiya Xarici İşlər naziri Sergey Lavrov Bakıda səfərdədir