Mayın 26-sı, saat 12:00-da Azərbaycan Yazıçılar Birliyinin “Natəvan” klubunda “Ədəbiyyat qəzeti”nin yeni saytının təqdimat mərasimi keçiriləcək.

Kult.az xəbər verir ki, bu barədə qəzetin əməkdaşı, yazar Sərdar Amin məlumat yayıb.

“Ədəbiyyat qəzeti”nin ölkənin ən çox oxunan dərgiləri sırasında olduğunu deyən Sərdar Amin rəhbərliyin bu uğuru elektron mediaya daşımaq niyyətində olduğunu bildirib.

Artıq mayın 26-dan etibarən “Ədəbiyyat qəzeti”ndə dərc edilən materiallar sayt oxucularına da çatdırılacaq. Sayt edebiyyatqazeti.az elektron ünvanında fəaliyyət göstərəcək.

Ədəbiyyat adamları, oxucular saytın təqdimat mərasiminə dəvətlidir.