İraq Kanadanın İraqın şimalındakı Kürd Regional Rəhbərliyinin silahlı qüvvələri olan peşmərgələrə göndərdiyi silahları ələ keçirib.

Axar.az xəbər verir ki, məsələ ilə bağlı açıqlama verən peşmərgə sözcüsü Həlqurd Hikmət təhvil verilməli olan silahların məsuliyyətinin Bağdad rəhbərliyi və İŞİD-ə qarşı qurulan beynəlxalq koalisiyanın üzərinə düşdüyünü bildirib.

Hikmət İŞİD-ə qarşı qurulan beynəlxalq koalisiyadan bu məsələ ilə bağlı ciddi araşdırma aparılmasını tələb edib.

Qeyd edək ki, bundan öncə Kanada mediası peşmərgələrə verilmək üçün Bağdada göndərilən silahların Haşdi-Şabi üzvlərinə paylandığını yazıb.