Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
17 Noyabr 2017


Prezident girov götürüldü: Ordu həbslərə başladı

Ana səhifə Planet
12 Punto 14 Punto 16 Punto 18 Punto

10:11

Zimbabve ordusu paytaxt Harareyə daxil olub.

Axar.az xəbər verir ki, “Röyter” agentliyi ordunun Zimbabve dövlət televiziyası olan ZBC-nin mərkəzi ofisini ələ keçirdiyini yazıb. Televiziyaya daxil olan hərbçilər jurnalistlərlə sərt rəftar ediblər. Buna rəğmən ZBC, tezliklə, sərt rəftarla bağlı yayımlanan məlumatın həqiqəti əks etdirmədiyini və hərbçilərin televiziyaya sistemin qorunması üçün gəldiyini vurğulayıb.

Maraqlı məqam odur ki, hərbçilərin ZBC binasına daxil olmasından sonra paytaxtda üç partlayış törədilib. Partlayışın kim tərəfindən törədildiyi müəyyən edilməyib.

Zimbabve ordusu həmçinin hərbi texnikasını paytaxt Harare ətrafına toplayıb. Ordunun paytaxta yeridilməsindən indiyə qədər hələlik 37 ildir ölkəni idarə edən Prezident Robert Muqabenin taleyi haqqında heç bir məlumat verilməyib.

Ölkədə olan ABŞ və Britaniya səfirliklərini öz fəaliyyətlərini müvəqqəti olaraq dayandırıblar.

Artıq komandanlıq məlumat yayaraq Harareyə hərbi texnikanın yeridilməsinin dövlət çevrilişi cəhdi olmadığını vurğulayıb. Komandanlıq sadəcə cinayətkarlarla mübarizə üçün ordunun paytaxta girdiyini və hər şey qaydasına düşdükdən sonra əsgərlərin buradan çıxarılacağını bildirib.

Qeyd edək ki, ölkədə qarışıqlığa səbəb Zimbabvenin hakim partiyası ZANU-PF-nin Silahlı Qüvvələrin rəhbəri Konstantin Çivenqanı xəyanətdə ittiham etməsi olub. Bundan sonra Çivenqanın müttəfiqi sayılan vitse-prezident Emmerson Mnanqaqvu dövlət çevrilişində ittiham edilərək Prezident Robert Muqabe tərəfindən istefaya göndərilib. Çivenqa bu istefaya sərt reaksiya verərək, ölkədə yaranan siyasi böhrana son qoyacağını söyləyib.

Muqabe 1980-ci ildən Zimbabveni idarə edir. O, ABŞ-a qarşı sərt ittihamları ilə seçilir. Sosializm ideyalarına bağlı olan Muqabe ölkədə bazar iqtisadiyyatının tətbiqini tam qadağan edib. O, həmçinin, ağdərili fermerlərin təqibi, qara rasizmdə ittiham edilir.

***

Zimbabve ordusu Prezident Robert Muqabeni girov götürüb.

“Röyter”in məlumatına görə, Muqabe artıq istefaya getməyə hazırlaşır. Üstəlik, onun ordu ilə həyat yoldaşının ölkəni tərk etməsi barədə razılaşdığı iddia edilib.

Muqabe ilə bərabər ordu ölkənin Maliyyə naziri, Zimbabvenin əsas liderlərindən biri sayılan İqnatus Çombonu da ələ keçirib.

Tarix
2017.11.15 / 11:51
Müəllif
İlkin Həsənov
Şərhlər
loading...
Digər xəbərlər

Kataloniya lideri hakim qarşısına çıxdı

İran: Fransa Yaxın Şərqdə böhranı alovlandırır

Argentinanın sualtı qayığı yoxa çıxdı

Rusiya, İran və Türkiyədən Suriya həmləsi

Sərkisyan Tiflisin qəbul etmədiyi səfirə iş tapdı

İrandan keçən Rusiya qırıcıları İŞİD-i bombaladı

Təyyarə ilə helikopter havada toqquşdu

Gümrüdə rus əsgəri yoxa çıxdı - Əhali qorxu içində

Çavuşoğlu Azərbaycanın yeni səfirini qəbul etdi

Qazaxıstanda FETÖ əməliyyatı: Rəhbərlər Qırğızıstana qaçdı

KULT
<>
Xəbər xətti
 
  
  
  
  
Axar.az'da reklam Bağla
Reklam
Bize yazin Bağla