Ən yüksək hava çirklənməsi Nepal və Hindistanda müşahidə edilib..

Axar.az xəbər verir ki, bu nəticə Çikaqo Universitetinin apardığı tədqiqatdan sonra ortaya çıxıb. Tədqiqata əsasən, bu ölkələrdəki çirklənmə yerli əhalinin həyatının təxminən 4 il azalmasına səbəb olur. Hindistanın Bihar, Uttar-Pradeş kimi bölgələrində isə hava çirkliliyinin ən yüksək səviyyədə olması insanların həyatının 6 il azalmasına gətirib çıxarır.

Tədqiqatda həmçinin hazırda dünyada 5,5 milyard insanın hava çirkliliyinin Ümumdünya Səhiyyə Təşkilatının tələblərinə cavab vermədiyi regionlarda yaşadığı vurğulanıb. Bu siyahıda Asiyanın ən pis göstəriciyə sahib olduğu bildirilib.