Süni intellekt bəşəriyyət üçün müəyyən qədər təhlükəlidir, çünki ona görə insanların bir hissəsi işsiz qalacaq.

Axar.az xəbər verir ki, "Telekom Deyli" ekspertlərinin fikrincə, on il sonra süni intellekt onlayn nəşrlərdə jurnalistləri tam əvəz edəcək. Bundan sonra vəkillər və musiqiçilər işsiz qalacaq.

"Telekom Deyli"nin rəhbəri Denis Kuskov deyir ki, "Vaşinqton Post" nəşrinin redaksiyasında materialların hazırlanmasında robotların köməyindən fəal istifadə edilir:

"Vaşinqton Post" üçün materiallar tərtib edən robotun fantaziyası yoxdur və bədii cəhətdən olduqca zəif xəbərlər yazır. Amma idman xəbərləri qısa və quru olmalıdır. Odur ki, proqram öz vəzifəsinin öhdəsindən bacarıqla gəlir. Üstəlik, insandan fərqli olaraq, süni intellekt yorulmur, maaş tələb etmir və həmişə sabit nəticə verir. Bir sözlə, o, ideal işçidir".