Ana səhifə Avto |
Hər iki əlindən məhrum gənc avtomobil idarə edir, özü də saatda 170 kilometr sürətlə. Daha da qəribəsi, əlləri olmayan Elnur Zülfəliyev mühafizəçi işləyir.
Xezerxeber-in əməkdaşları həmin gəncin avtomobildə əyləşib onun maşını necə idarə etməsini lentə alıblar.
Hər iki əli yoxdur, amma VAZ-2107 markalı avtomobili saatda 170 kilometr sürətlə idarə edir. Sürət qutusunu isə ayağı ilə dəyişir. Paytaxtın Qaradağ rayon sakini 25 yaşlı Elnur Zülfəliyevin sözlərinə görə, 2003-cü ildə, 6-cı sinifdə oxuyanda uşaqlarla oynayarkən elektrin transfarmatorunun içinə girib. Yerdə olan məftili götürmək istəyərkən elektrik cərəyanın vurması ilə əllərini tirib.
Əlləri olmasa da, mühafizəçi işləyən Elnur Zülfəliyev maaşını toplayıb özünə avtomobil alıb. Ancaq dəfələrlə sürücülük vəsiqəsi almağa təşəbbüs etsə də, polis icazə verməyib. Əlil olduğunu qəbul etməyən Elnur Zülfəliyev idarə etdiyi avtomobillə bir çox sürücüyə meydan oxuyur.
Söhbət zamanı o, avtomobilini göstərilən maksimum sürəti ilə idarə etdiyini də dedi. Baxmayaraq ki, bu onun üçün belə vəziyyətdə olduqca təhlükəlidir.
Tarix
2016.09.01 / 09:40
|
Müəllif
Axar.az
|