Gəlirin 89%-i "Əpl" şirkətinin əlindədir.

Axar.az "Strategy Analytics"in yaydığı statistik göstəricilərə əsasən xəbər verir ki, Androidin dünyada daha geniş yayılmış əməliyyat sistemi olmasına baxmayaraq ağıllı telefon bazarında ümumi mənfəətin 89%-i "Əpl" firmasının əlindədir.

2014 ilin 4-cü rübünə olan göstəricilərə əsasən ağıllı telefon bazarında 2013 ilin müvafiq dönəmi ilə müqayisədə faiz nisbətində 31% yüksəliş müşahidə olunmaqla, ağıllı telefonlardan əldə olunan qazanc 21,2 milyard dolları ötüb.

"Strategy Analytics"in statistik açıqlamalarında qeyd olunur ki, Androidin qazancı 2013-cü illə müqayisədə yarıdan çox aşağı düşüb. Belə ki, əməliyyat sisteminin ağıllı telefonlardan əldə etdiyi mənfəət 29%-dən 11%-ə enib.

Məlumata görə, mənfəət savaşında "Əpl" hələ ki, qalibdir.