Kaliforniyada ABŞ Müdafiə Nazirliyi İrəli Araşdırma Proyektləri Agentliyi (DARPA) "Robot Yarışması" təşkil edib.

Axar.az məlumat verir ki, Almaniya, Yaponiya, Cənubi Koreya, İtaliya, Honkonq və Amerikadan 23 robot araşdırma qrupu iştirak edib. Robotlar dörd ayrı platformada verilən əmrləri yerinə yetirmək üçün səy göstərib.

Səkkiz mərhələli vəzifəni yerinə yetirmək üçün yarışda hər robot və komandasına bir saat müddət verilib. Robotlardan müvafiq olaraq, avtomobil sürmələri, avtomobildən enib qapını açıb binaya daxil etmələri, divarda dəlik açmaları, önlərinə çıxan dağıntıları aşmaları, binadan ayrılmaları və nərdivandan çıxmaları gözlənilib.

Robotlara yarışmadan əvvəl hər bir əmri icra etmək üçün yarım saat praktika etmək haqqı verilib. Yarış əsnasında yerə düşən robotlara öz səyləri ilə ayağa qalxmaları tapşırılıb. Ayağa qalxmağı bacara bilməyən və komanda üzvlərinin köməyindən istifadə edən robotlar yarışmadakı vaxtlarından 10 dəqiqə kəsilərək cəzalandırılıb.

Cənubi Koreyadan KAIST komandası birinci olaraq 2 milyon dollarlıq mükafatın sahibi olub.

Yarışmada IHMC Robotiks ikinci, "Tartan Rescue" üçüncü yerdə qərarlaşaraq yarım milyon dollar qazanıb.

DARPA-nın təşkil etdiyi müsabiqə 2011-ci ildə Fukuşimada baş vermiş nüvə qəzasından sonra insanların girə bilmədiyi təhlükəli sahələr üçün qabiliyyətli fəlakət robotların inkişaf etdirilməsi və istifadə edilməsi məqsədi ilə başladılıb.