"Əpl" (Apple) şirkəti "The Worldwide Developer Conference 2015"-də (WWDC) iOS 9-u təqdim edib.

Axar.az xəbər verir ki, İOS 9 bir çox yeniliklərlə istifadəçilərə təqdim edilib. İOS 9-da ekran ikiyə bölünərək istifadə olunacaq. İnternetdən istifadə etməklə e-poçt yazmaq və video izləmək mümkün olacaq.

İOS 9-un əhəmiyyətli xüsusiyyətlərdən biri də batareyanın ömrünü 3 saat uzatmağıdır. Enerjinin qənaətlə sərf olunması rejimi ilə mobil telefondan 3 sata daha artıq istifadə etmək mümkün olacaq.

Şirkət yeni sistemlə gizli nömrə problemini də kökündən həll edib. "Ayfon" cihazlarında istənilən nömrə ekranda göstəriləcək.

İOS 9 sistemi "Ayfon 4S" nəslindən sonrakı bütün modellərdə tətbiq ediləcək.