Feysbuk internet şirkəti loqotipini dəyişib. Loqotip 2005-ci ildən ilk dəfədir dəyişdirilir.

Axar.az xəbər verir ki, yeniliklər inqilabi xarakter daşımır. Şirkətin mavi fonda ağ hərflərlə yazılan adı olduğu kimi qalıb. Sadəcə, onların şrifti bir qədər dəyişərək daha qəşəng və incə olub.

Məqsəd ondan ibarətdir ki, şirkətin yeni loqotipi daha rəngarəng və cəlbedici görünsün. Bu barədə şirkətin kreativ direktoru Coş Hiqqins deyib. Onun sözlərinə görə, budəfəki işlərə şirkətin əvvəlki loqotipinin yaradıcısı Erik Olson cəlb olunub.

Dəyişikliklər Feysbukun "F" hərfi formasında simvolu olan əmtəə nişanına aid edilməyib. Ondan portalın səhifələrində geniş istifadə edilir.