Salyan sakini qeyri-adi traktor hazırlayıb.

Axar.az-ın məlumatına görə, rayonun Pambıqkənd sakini Səxavət Məmmədov öz ixtirasını bir neçə aya ərsəyə gətirib.

Kənd sakini mini traktor düzəldərkən dəmir dayaqlardan, adi dəmirdən, həmçinin generator mühərrikindən və "Jiquli"nin sürət qutusundan istifadə edib. Traktorun qabaq hissəsinə "Jiquli", arxa hissəsinə isə "UAZ" markalı avtomobillərin təkərlərini quraşdırıb.

Traktorun kiçik olması həyətyanı sahələrdə rahat manevr etmək imkanı verir. O, bu tarktorla yer şumlayır, yük daşıyır. Bununla da əlavə xərclərə yol vermir. Bu qeyri-adi traktor qoşqusu ilə birlikdə 3 tondan çox yükgötürmə qabiliyyətinə malikdir.