Dünyanın ən çox istifadə edilən mesajlaşma proqramı Vatsap yeni bir xüsusiyyətini istifadəçilərinə təqdim edib.

Axar.az xəbər verir ki, "Vatsap mesaj işarələmə xüsusiyyəti" olaraq təqdim edilən yeni xüsusiyyət sayəsində ağıllı telefon istifadəçiləri yığılan söhbət arxivi arasından seçdikləri mesajları öz qovluqlarında saxlaya biləcəklər. Bu xüsusiyyət danışdığınız bir adamla olan söhbət arxivinizdə istədiyiniz mesajları işarələyərək daha sonra görməyinizə imkan yaradır.

Mesaj işarələmə xüsusiyyətini necə istifadə edə bilərsiniz?

Əvvəl söhbət etdiyiniz adamla etdiyiniz söhbət pəncərəsində istədiyiniz mesajın üzərini işarələyərək yuxarıda çıxan hissədə olan ulduz işarəsinin üzərinə basın. Daha sonra "adamlar" hissəsinə keçib işarələnmiş mesajlar hissəsinə basın, qarşınıza bu vaxta qədər işarələdiyiniz bütün mesajlar çıxacaq.