"Luksari Lançis" qəzeti 10 lüks avtomobilin reytinqini dərc edib.

Axar.az Avtosfer.az-a istinadla onlardan bəzilərinin siyahısını hazırlayıb.

Bu maşınlar arasında həm sedanlar, həm futuristik idman avtomobilləri var. Reytinq cədvəlində yer alan "Leksus SC"-nin başlanğıc qiyməti 100 min dollardır. 2017-ci ildə "Leksus" iki variantda güclü kupe buraxacaq: 5.0 litrlik 500 at güclü, V8 mühərriki və 5.0 litrlik 600 at gücünə malik tvin-turbo sistemli V8 mühərriki .
"Cip Qrand Şroki Trakhavk"ın qiyməti 70 min dollardır. Ekspertlərin qiymətləndirmələrinə əsasən, yeni "Cip" digər krossoverlər üçün yeni standartlar təyin edəcək. Onun kapotu altında məşhur 6.2 litrlik "Hemi V8" mühərriki yer alacaq ki, bu da "Qrand Şroki"nin gücünü 707 at gücünə qədər artırmağa imkan verib.

"Alfa Romeo Giorgio Sedan" 75 min dollardan başlayır. İdman sedanı mükəmməlləşdirilmiş təkər asması və yeni 503 at güclü V6 mühərriki ilə təchiz olunub.

"Audi TT Sportbək" isə 45 min dollarla bazara girib. "Audi" şirkəti rəqiblərindən geri qalmamaq və TT modelini mükəmməlləşdirmək qərarını qəbul edib və onu "Sportbək" adlandırıb. Avtomobil dördsilindrli 2.0 litr həcmli mühərriklə təchiz olunub, bunun sayəsində onun gücü 400 at gücü təşkil edib.