Dünya avtomobilləri arasında 2015-ci ilin ən yaxşı mühərriki məlum olub.

Axar.az xəbər verir ki, dünyanın 30-dan çox ölkəsindən "İnternational Engine of the Year" müsabiqəsinə qatılan 60-dan çox avtomobil jurnalisti BMV i8 hibridinin mühərrikini ilin ən yaxşısı hesab ediblər.

Alman mühərriki 274 xalla "Ford EcoBoost"u qabaqlayaraq birinci yerə çıxıb.

Qalibin müəyyənləşməsində mühərrikin ekoloji cəhətdən təmizliyi əsas götürülüb.

Ekspertlər hesab edir ki, BMV i8-in mühərriki rəqiblərini təkcə bu məsələdə geridə qoymayıb. Onun güc aqreqatı idman performansı ilə yenilənib. Mühərrik 1.5 litrlik V3 həcmli turbomotor və 231 at gücündən ibarətdir. Bundan başqa mühərrik 131 at gücündən ibarət elektrik motoru ilə də gücləndirilib. Bu da BMV i8-i 362 at gücünə bərabər edir.