"Birinci Avropa Oyunları mənim üçün çox əhəmiyyətlidir, burada iştirak etməklə böyük təcrübə qazanıram".

Axar.az xəbər verir ki, bu sözləri Böyük Britaniyadan olan gimnast Sim Kelli deyib.

S.Kelli bildirib ki, Azərbaycanda idman üçün gözəl şərait yaradılıb: "Bu gün yarışdığımız Milli Gimnastika Arenası çox genişdir və burada müasir qurğular quraşdırılıb. Atletlər kəndində çox gözəl şərait yaradılıb. Boş vaxtlarımızda velosiped sürürük və oradan Bakının gözəl mənzərəsinə baxırıq".

S.Kelli Azərbaycana ilk dəfə gəldiyini bildirib: "Birinci dəfədir ki, Azərbaycandayam və ölkənin bu qədər gözəl olmasını gözləmirdim. Azərbaycanı çox sevdim. İnsanlar qonaqpərvər və mehribandırlar. Yarışlardan sonra yəqin ki, Bakını gəzəcəyik və Azərbaycanın milli xörəklərinin dadına baxacağıq".