İyunun 16-da Tofiq Bəhramov adına Respublika Stadionunda Bakı-2015 Birinci Avropa Oyunlarının kamandan oxatma yarışlarına start verilib.

Axar.az xəbər verir ki, kişilər arasında fərdi reytinq mərhələsində köhnə qitənin ən sərrast oxatanları 1/32 seçmə mərhələdən mübarizəyə başlayıblar. Azərbaycanı bu mübarizədə Aleksey Kopnin, Roman Vengerov, Taras Senyuk təmsil edirlər.

Eyni zamanda, kişilər arasında komanda çoxnövçülüyü və qarışıq komanda çoxnövçülüyü reytinq mərhələsi üzrə yarışlara da start verilib.

***

Kişilərin komanda yarışlarında reytinq mərhələsi başa çatıb. 1893 xal toplayan Azərbaycan millisi 13 komanda arasında 12-ci olub. Yığmamız sabah 1/8 finalda İtaliya ilə qarşılaşacaq. Görüş saat 11:15-də start götürəcək.

Qadınların yarışında təmsilçilərimizdən Yaylagül Ramazanova, Nurlana Vəliyeva və Olqa Senyuk çıxış edir. Bundan başqa, qadın və qarışıq komandalar qüvvəsini sınayacaq.