Braziliyada keçirilən Dünya Kubokunun B qrupunun növbəti oyunları keçirilib.

Axar.az xəbər verir ki, dünən B qrupunda yarışan İspaniya- Hollandiya matçının ardından Çili- Avstraliya matçı baş tutub.

Təxmin olunduğu kimi, oyun Çili millisinin üstünlüyü ilə keçib. Oyunun 12-ci dəqiqəsində Çilinin "Barselona"dakı ulduzu oyunçusu Aleksis Sançes hesabı açıb: 1-0.

2 dəqiqə keçməmiş Xorqe Valdivia hesabı artırmağa müvəffəq oluv. Oyunun 35-ci dəqiqəsində isə avstraliyalı forvard Tim Cahil hesab arasındakı fərqi azaldıb: 2-1.

Çili yığması oyunun 90-cı dəqiqəsində Jan Byusejurun vurduğu qolla son nöqtəni qoyub: 3-1.

Xatırladaq ki, İspaniya-Hollandiya matçını oxucularımıza canlı yayımla təqdim etdik. Oyunda hollandlar ispanları darmadağın etdi: 5-1.