TBMM Konstitusiya Komissiyasının sədri, AKP-çi Mustafa Şəntop 15 iyul çevrilişi haqqında danışıb.

Axar.az xəbər verir ki, NTV kanalında verilişdə iştirak edən Şəntop çevriliş cəhdinin ilk saatlarını şərh edib. O, prezidentin planlaşdırılan qiyamdan gec xəbər tutmasına diqqət çəkib:

"Mənə ilk xəbərlər gələndə saat təxminən 21:00 idi. Prezidentə zəng edib məsələdən xəbərdar olub-olmadığını soruşdum. O da hərbi çevrilişə cəhd olunacağı ilə bağlı xəbərlər aldığını dedi. Sözün düzü, prezident hadisələrin məzmunundan tam agah deyildi. Baş nazirin də xəbərsiz olduğunu bilirəm. Belə bir vəziyyətdə qarşı tərəfin planları öyrənilməli və tez bir zamanda prezidentə, baş nazirə deyilməli idi. Saat 15-16 radələrində əsgərlərə çevriliş olacağı deyilib, amma ölkə prezidentinə bir nəfər də bunu deməyib. Bu səhv bizə çox baha başa gələ bilərdi".