Qənirə Paşayeva Sudanın sərmayələr naziri Osama Faysal Əlsayed, Uqandanın nazirləri Musumba İsaak, Namuganza Persis və millət vəkili Anita Amonq Annet ilə görüşüb.

Axar.az xəbər verir ki, müzakirələr zamanı millət vəkili Azərbaycanın iqtisadi inkişafı, Qarabağ həqiqətləri, Ermənistanın işğalı nəticəsində 1 milyon azərbaycanlının öz yurd-yuvalarından qaçqın və məcburi köçkün düşməsi barədə geniş məlumatlar verib.

O bildirib ki, dünyanın harasında yaşamasından asılı olmayaraq, ədalətin yanında olan hər kəs Ermənistanın törətdiyi vandalizm aktlarına seyrçi qalmamalıdır.

Q.Paşayeva Sudan və Uqandanın bir sıra mətbuat və media qurumlarına geniş müsahibələr də verib.