Gürcüstanın həbsdə olan keçmiş prezidenti Mixail Saakaşvili yük daşınması ilə bağlı problemlərə görə Gürcüstan hökumətini Azərbaycanla münasibətlərə xələl gətirməkdə tənqid edib.

Axar.az xəbər verir ki, o, bu barədə Feysbuk səhifəsində yazıb.

“Tiflis artıq Azərbaycan üçün malların daşınması ilə bağlı problem yaradıb. Azərbaycan nəşrləri haqlı olaraq bunu Moskvadan gələn sifariş kimi görürlər. Ruslar Kiyevdəki Azərbaycan səfirliyini bombalayır və görünür, burada kommunikasiya problemi yaratmaq üçün öz kuklalarından istifadə edir, Azərbaycan jurnalistlərinin yazdıqları rəsmi Bakının haqlı qəzəbini əks etdirir”, - o bildirib.