Türkiyənin Baş naziri Binəli Yıldırım “Reina” gecə klubuna silahlı hücum reallaşdıran terrorçunun həbsi ilə bağlı açıqlama verib.

Axar.az xəbər verir ki, baş nazir qatilin hazırda dindirildiyini bildirib:

“Hücumu reallaşdıran və xeyli insanın ölümünə səbəb olan alçaq terrorçu dünən keçirilən əməliyyatla yaxalandı. Hazırda dindirilir. Bununla bağlı xeyli detal var, amma hələlik bu qədərini deyə bilərəm.

Zamanla baş verənlər barədə açıqlama veriləcək. Önəmli olan bu hücumu reallaşdıran şəxsin tutulması, hücumun arxasındakı qüvvələrin ortaya çıxarılmasıdır. Bu, bizim üçün önəmli nailiyyət olar”.

Xatırladaq ki, Yeni il gecəsi “Reina” gecə klubunda 39 nəfəri öldürən İŞİD terrorçusu dünən yaşadığı mənzildə yaxalanıb. Onunla bərabər, təşkilat üzvü olan 3 qadın və 1 kişi saxlanılıb.