Millət vəkili Qənirə Paşayeva Yaponiyada bir sıra görüşlər keçirib.

Axar.az xəbər verir ki, millət vəkili Yaponiya baş nazirinin xüsusi müşaviri, Yaponiya Parlamentinin Müşavirlər Palatasının deputatı Yasutoşi Nişimura, Yaponiya Liberal Demokrat partiyasının rəsmisi, sabiq dövlət naziri Masako Mori, Yokohama meri xanım Fumiko Hayaşi, Ümumdünya Qadın Sammiti Təşkilat Komitəsinin sədri Noriko Nakamura və bu ölkənin fəal ictimai qadınları ilə görüşdə Qarabağ həqiqətlərindən danışıb.

Millət vəkili Ermənistanın işğal etdiyi Azərbaycan torpaqlarında törətdiyi vandalizm aktları, 1 milyon azərbaycanlının, yüz minlərlə azərbaycanlı qadının işğal nəticəsində öz yurd-yuvalarından qaçqın və məcburi köçkün düşməsi, onların fundamental insan haqlarının bu gün də Ermənistan tərəfindən pozulduğunu diqqətə çatdırıb.

Görüşlər zamanı Yaponiya rəsmiləri Azərbaycanla dost münasibətlərin inkişafından məmnun olduqlarını bildiriblər.