Slavyanskdakı terrorçular öldürülmüş yoldaşlarının meyitlərini Rusiya ərazisinə çıxara bilmirlər.

"Axar.az" xəbər verir ki, bu barədə Ukrayna Hərbi-Siyasi Araşdırmalar Mərkəzinin rəhbəri Dmitri Tımçuk deyib.

Tımçukun sözlərinə görə, terrorçular nə edəcəklərini belə bilmirlər və ona görə də şayiə yayırlar ki, həmin meyitlər Ukrayna ordusuna aiddir:

"Bundan başqa terrorçuların maliyyə problemi də yaranıb. Kəşfiyyat onların pul köçürməsini həyata keçirən bankları nəzarət altına alıb, sərhədçilər isə külli miqdarda pul keçirmək istəyən kuryerləri saxlayır. Buna görə də terrorçular pulları kiçik məbləğdə - təxminən 50 min dollar köçürməyə məcbur olurlar. Rusiya, Krım və Yanukoviçin ailəsi onların əsas maliyyə mənbələri sayılır".

Tımçukun sözlərinə görə, Rusiyanın Ukrayna ərazisinə hücum planından imtina etməsi və Baş Kəşfiyyat İdarəsinin onlara nəzarəti zəiflətməsi terrorçular arasında çaxnaşmaya səbəb olub.

"Kreml hələlik "sülhməramlı əməliyyatını" təxirə salıb", - deyə Tımçuk bildirib.